မြူရနံ့

မြူဝိုင်းတဲ့မနက်ခင်းရယ်
မျက်နှာကိုရိုက်ခတ်တဲ့မြူနဲ့အတူ အတွေးစတွေကို ဘာလို့ယူလာရတာလဲ
မြူထူတဲ့နေ့ကအေးချမ်းပါတယ်
အအေးကြိုက်တဲ့ငါက မြူထူတဲ့နေ့ကိုမလိုချင်မိဘူး
အေးမြတဲ့မြူရဲ့ရနံ့က ငါ့ရင်ကိုပူစေလို့ပါ
မြူမှုန်လေးတွေပေါင်းထားတဲ့ နှင်းရည်စက်တွေက ငါ့မျက်လုံးမှာတွဲလဲခိုလို့ပေါ့
စစ်မှန်တဲ့ဆန္ဒနဲ့ဆုတောင်းရင် ပြည့်တယ်တဲ့
အရင်းခံစိတ်နဲ့ ဆုတောင်းတယ်
မြူကြိုက်တဲ့ကောင်လေးတစ်ယောက်
မြူတွေအရမ်းထူတဲ့ဒီနေ့ကစပြီး အမြဲထာဝရပျော်ရွှင်နိုင်ပါစေလို့ပေါ့
လူသားတိုင်းရဲ့စိတ်တွေအေးချမ်းနေရင်ဘယ်လောက်ကောင်းမလဲနော်
ငါ အေးချမ်းချင်တယ်…
(၂၉ ဇန္နဝါရီ ၂၀၀၉) ကြာသာပတေး
    

အတွေးစများ

ရုတ်တရက်ရောက်လာတတ်တဲ့ ကိုယ်သင်းနံ့လေးရယ်
မင်းကိုမျက်လုံးထောင့်နားလေးက ခိုးမကြည့်ချင်တော့ဘူး
မင်းရဲ့တေးညည်းသံသဲ့သဲ့လေး ကိုလည်း ခိုးနားမထောင်ချင်တော့ဘူး
မင်းအတွက်နဲ့ ငါ့အတွက်ဆိုတဲ့အတ္တတွေကို ခွာချချင်နေတယ်
မင်းအတွက်နဲ့ဘဲ ငါ့ရဲ့ဆင်ခြင်ထိန်ချန်မှုတွေကို ဂျောင်ထိုးထားချင်မိတယ်
အကောင်းဆုံးသောဆန္ဒတွေနဲ့ နင့်ရဲ့အပြုံးတွေကို ဖန်တီးချင်မိတယ်
မင်းကိုပျော်နေစေချင်မိတာ ငါ့စိတ်ရင်းနဲ့ပါ
ငါ့အင်္ကျီပခုံးစွန်းမှာကျန်နေခဲ့တဲ့ဂျယ်နံ့လေးရယ်
ငါတစ်ယောက်တည်းရှိတဲ့အချိန်တွေမှာ
မြင်ယောင်နေတာတွေ နည်းနည်းဖြစ်ဖြစ်လျှော့ပေးပါလား
ငါကလေ ပက်ကျိတွေကိုမကြိုက်ဘူးဟ
(၁၅ အောက်တိုဘာ ၂၀၀၈)သောကြာ

Love Means...

အချစ်ကဘာလဲ
ရယူခြင်းလား ပေးဆပ်ခြင်းလား
ဒါမှမဟုတ် ပိုင်ဆိုင်ခြင်း လား စွန့်လွှတ် အနစ်နာခံခြင်းလား
ဒါမှမဟုတ် တပ်မက်ခြင်း အတွက် နာမ်စားလှလှလေးလား
ရှုထောင့်မျိုးစုံက အမျိုးစုံလှတဲ့အဓိပ္ပါယ်တွေပေါ့၊
ငါ့အတွက်ကော
အချစ်ဆိုတာလားတော့ မသိ
အတွေးထဲမှာ အမြဲတမ်း အချိန်တိုင်း ရှိနေတယ်
သူကို ကိုယ်ခေါင်းထဲမထည့်ဘဲနဲ့ကို သူက ရောက်နေတာမျိုးပေါ့
ကိုယ်အနားမှာ အမြဲရှိနေသလိုမျိုး
သူ့စိတ်မှာကိုယ်ရှိနေနေ မနေနေ
သူကိုယ့်အနားမှာ ရှိနေနေ မနေနေ
သူကိုယ့်ကို အလေးထားထား မထားထား
ကိုယ်နဲ့ မဆိုင်ဘူး၊
ကိုယ့်စိတ်မှာ သူအမြဲတမ်းရှိနေတယ်…
ကိုယ့်အနားမှာ သူအမြဲတမ်းရှိနေတယ်…
ကိုယ်က သူ့ကို အမြဲအလေးထားတယ်…
ကိုယ်လုပ်သမျှ အရာတိုင်းက သူနဲ့ သက်ဆိုင်နေတယ်
အိပ်တဲ့ အချိန်တောင် အိမ်မက်ထဲမှာ ရှိနေသေးတာ…

ငြိတွယ်ခြင်း

အကန့်သတ်မရှိတဲ့တွယ်တာမှုတွေနဲ့
ငြိတွယ်လာတဲ့ကြိုးတွေ
ငါမက်မောစွာမြတ်နိုးနေမိတယ်
ငါတမ်းတရင်းနဲ့ပိုက်ထွေးထားမိတယ်
ငါ့အချစ်ရဲ့အတ္တတွေကြောင့်ပေါ့
ဖြစ်သင့်တာနဲ့ဖြစ်ချင်တာ ထပ်တူမရှိတဲ့အခါ
ဘယ်သူ့ကိုပေါက်ကွဲပစ်ရမလဲ
လမ်းလျှောက်ဖို့တောင်အားမရှိသလိုစကားလည်းမပြောချင်ဘူး
ခေါင်းထဲက ခေါက်ရိုးကျိုးနေတဲ့ အတွေးတချို့ ငါ့ကိုသရော်နေကြတယ်
အလိုလိုနေရင်း နှုန်းခွေနေမိတယ်
ကောင်းကင်ကပြုံးတယ်၊ ကြယ်ကမျက်စိမှိတ်တယ်၊ ငါ့ကိုများလှောင်လေသလား
ငါ့ရဲ့အပြစ်တွေပေါ့
အပြစ်တစ်ခုကို ငါကိုယ်တိုင်ဘဲ ဖန်တီးမိခဲ့လေသလားမသိ…။
( ၁၃ ဇန္နဝါရီ ၀၈)

လရိပ်

ငါကမင်းရဲ့လရိပ်တဲ့လားကောင်လေးရယ်
အေးချမ်းတည်ငြိမ်တဲ့လရိပ်တဲ့
လက်တွေ့မှာ အသုံးမကျတဲ့စကားတွေကို ငါစိတ်မဝင်စားဘူး
နေအလင်းကြောင့်သာလင်းနေရပြီး
ကိုယ်ပိုင်အလင်းမဲ့တဲ့အရံဂြိုလ်တစ်စင်းကိုလည်းငါသဘောမကျဘူး
နင်နဲ့ငါကြားကစိတ္တဇနာမ်တစ်ခု
နင်သိနေတယ်၊ ငါသိနေတယ်၊ အိမ်မက်တွေသိနေတယ်
ထိတွေ့မရ လက်တွေ့မကျတဲ့ အရာတစ်ခုကို မစွဲလမ်းချင်ဘူး
ပြင်ဆင်ထားရမဲ့အနာဂတ်တစ်ခုအတွက်
ငါတော့ အမြင့်ဆုံးကိုပျံသန်းချင်မိတယ်
နောက်ဆံတင်းဝေဝါးတာမျိုးကို ငါမကြိုက်ဘူး
အသက်ရှင်နေသမျှ တောင်ပံရှိနေသမျှ
ငါ့ခွန်အားရှိနေသမျှ
ရှင်သန်ခြင်းရဲ့အဓိပ္ပါယ်တွေအတွက်
ငါ့အိမ်မက်တွေဆီကို မရပ်တန့်ဘဲပျံသန်းနေမယ်…
(၁ ဇန္နဝါရီ ၀၈)

ရှူံးနိမ့်မှုရဲ့နိဂုံး

ရောင်နီမရောက်ခင် အချိန်လေး
အေးစက်စက်မြူတွေဝိုင်းနေတယ်
နံစော်ညစ်ပတ်နေတဲ့ နောက်ဖေးလမ်းကြားလေးမှာ
ရောက်လုဆဲအာရုဏ်အလင်းကိုမြင်နိုင်ဖို့မသေချာတော့တဲ့
လူတစ်ယောက်နဲ့ရပ်ခါနီးအသက်ရှူသံတစ်ခု
ညည်းတွားဖို့တောင်အသံမဲ့လို့
အဖိုးမကြီးတဲ့ မောင်းကွင်းလေးကိုကြမ်းတမ်းတဲ့လက်နဲ့ဆုပ်ကိုင်ရင်း
ရိုင်းစိုင်းတဲ့ ကံကြမ္မာတွေမရောက်ခင် အချိန်လေးတွေးရင်းယောင်ယမ်းစွာပြုံးမိ
ဝေဝေဝါးဝါး မြင်တာတွေငေးရင်းနဲ့
မြင်ယောင်မိတဲ့ မျက်နှာလေးနဲ့ တမ်းတမိတဲ့အပြုံးရိပ်
စုတ်ပြတ်သပ်ပြိုလဲချိန်ကျမှ
မထင်မှတ်ထားတဲ့ရက်စက်မှုတွေနဲ့နားမလည်နိုင်တဲ့ ပြတ်သားမှုတွေကြောင့်
အသုံးမဝင်တော့တဲ့ ဂတိတွေကဘဲ
သစ္စာတရားကိုအရောင်ပြယ်စေသလားမသိ
အရေရှုံ့နေတဲ့ မျက်ခွံအောက်ကစီးကြောင်းရဲ့တရားခံက
မောဟလား မာနလား မသိပေမဲ့ နောက်ဆုံး အချိန်ထိမျှော်လင့်ဆဲ
တိတ်ဆိတ်သွားတဲ့အခါ
လေပြင်းကြောင့်လွင့်လာတဲ့အမှိုက်တွေရယ်
ဆုံးခန်းမတိုင်ခဲ့တဲ့အိမ်မက်ရယ် မြင်ယောင်မိတဲ့မျက်နှာလေးရယ်
ပြုတ်ကျသွားတဲ့သတ္တုကွင်းလေးရယ်
ပေါ်ထွက်လာတဲ့ရောင်နီရယ်
ဘာကိုမှသူမသိနိုင်တော့ဘူးပေါ့….
(၂၀ ဇန္နဝါရီ ၂၀၀၈)တနင်္ဂနွေနေ့ (1:06 pm)

လေလွင့်နှလုံးသား

ဆောင်းတွင်းပေမဲ့လည်း
ချမ်းစိမ့်အေးမြမှုလေးတောင်ငါ့ရင်ဘတ်မှာ မခံစားမိဘူး
နှင်းထူလို့များ ပျောက်နေတယ်ထင်ရဲ့
အရိုးစိမ့်အောင်အေးတဲ့လေက
မီးတောက်နေတဲ့ ငါ့ရင်ခွင်ကို မနှစ်သိမ့်နိုင်ကြဘူး
ပါးပေါ်က မျက်ရည်တွေ ခဲကုန်ပြီ
ကျကွဲခဲ့တဲ့ အိမ်မက်ငယ်က ဒါဏ်ရာ ဗလပွနဲ့ အနားတွေ ပဲ့လို့
စုတ်ပြတ်ကြေမွနေတဲ့ မျှော်လင့်ချက်မျှင်မျှင်လေးကိုပိုက်လို့
ယိုင်လဲတော့မဲ့ဘဝမှာ အနည်ကျချင်နေပြီ
ငါ ပျော်ဝင်မိတဲ့ အပြုံးလေး အတွက်နဲ့တင်
လောကကြီးကို ဘောင်ခတ်ထားရဲတယ်
ငါ့ဘဝကို လှေကားထစ်တစ်ခု အဖြစ်နင်ပျော်မယ်ဆိုရင်တောင်
ငါ့ကိုတိုက်စားနေတဲ့ ပါးစပ်တွေကိုမေ့ထားရဲတယ်
တန်ဖိုးမဲ့ရင်ခွင်က နှလုံးသားကို ရိုက်ခွဲခဲ့ရင်တောင်
စီးကျလာမဲ့ ငါ့နှလုံးသွေး တွေက ပြောနေလိမ့်မယ်
နင့်ကိုချစ်တယ်လို့
(၁ ဇူလိုင် ၂၀၀၇)

ကြည်နူးခြင်း

ထိကရုန်းလေးတွေ အိပ်ကုန်ပြီ
ငှက်ကလေးတွေအိပ်တန်းတက်ကြပြီ
လေထဲမှာ ညမွှေးပန်းနံ့လေးသင်းလို့
မော့ကြည့်လိုက်တော့ တိမ်ကင်းတဲ့ကောင်းကင်မှာ
ကြယ်လေးတွေက ငါ့ကိုမျက်စိမှိတ်ပြတယ်
လကွေးကွေးလေးက ကောင်းကင်ရဲ့ အပြုံးတစ်ခုလို ခံစားရတယ်
အဖြူရောင်အပြုံးပေါ့၊ ဆင်စွယ်ရောင်အပြုံးလေးတစ်ခုကိုလည်းသတိရမိရဲ့
ညလေအေးကို ရှုရှိုက်ရင်း
သစ်ရွက်လှုပ်သံကိုနားထောင်ရင်း ကြယ်တွေကို ရေတွက်ရင်း
ကောင်းကင်ကိုပြုံးပြရင်း ကြည်နူးလိုက်တာ
ငါ့ရင်ဘတ်ထဲက အေးချမ်းမှုနဲ့အတူ
အရာရာဟာလှပနေလေရဲ့
အားလုံးကိုကျုံးပြီး သေတ္တာထဲထည့်ပိတ်ပြီး
ဘယ်သူမှ မဖျက်ဆီးနိုင်အောင် သိမ်းထားချင်မိတယ်
မွေးစက မြေကြီးထဲ မရောက်ခင် အချိန်လေးအတွင်း
မာနတွေမြိုချပြီး ကိုယ်ချင်းစာတရား ထားကြရင်
လောကကြီးက သေတ္တာလေးကို သိမ်းခွင့်ပါမစ် ချပေးမှာပေါ့
(၂၆ မေ ၂၀၀၇)

ပိုးစုန်းကြူးပုံရိပ်များ

ရင်ဖတ်တစ်ခုလုံး ခဲဆွဲခံနေရသလို
ဟိုအရင် အရိပ်တွေက ဟိုနားပေါ်လိုက် ဒီနားပေါ်လိုက်နဲ့
ကျောက်ခဲကို ရေထဲပစ်ချပြီးမှ ပြန်ပေါ်လာပါစေ ဆုတောင်းနေမိသလို
တစ်နေ့တာ အဓိပ္ပါယ်မဲ့နေတယ်
ဝဲနေတဲ့ မျက်ရည်တွေ မြိုချရတာ ဗိုက်တင်းနေပြီ
ချော့ကလက်ကစားရတာ ချိုပေမဲ့ဆေးသကြားက ဘာလို့ခါးရတာလဲ
ဒဏ္ဍာရီဆန်ဆန် စိတ်ကူးယဉ်လို့ကောင်းတဲ့ကြယ်လေးတွေက တကယ်ခူးလို့မရသလို
လရောင်ဆန်းတဲ့ ပေါင်မုန့်ကလည်း ဘယ်ချိုပါ့မလဲ
လေထဲတိုက်အိမ်ဆောက်ရတာကတော့ ပျော်ဖို့ကောင်းပါရဲ့
တိတ်တိတ်လေးငိုတတ်တဲ့ ပိုးစုန်းကြူးတစ်ကောင် အကြောင်းကို
ကြယ်တွေလတွေက မသိနိုင်သလို
ဘယ်သူမှလည်း မသိနိုင်ပါဘူး
(၇ ဇူလိုင် ၂၀၀၇)

မေလေး

မေလ လေးရက်နေ့
မိုးတွေအရမ်းသည်းတဲ့နေ့တစ်နေ့
ရင်ဖတ်တစ်ခုလုံး ငလျင်လှုပ်
နှလုံးသွေးတွေ ပြောင်းပြန်များစီးနေသလား
မခံစားနိုင်ပေမဲ့ မာနက တူတလှည့်ဖြစ်ချင်နေတယ်
အရမ်းတွေ့ချင်နေပေမဲ့လည်းထီးနဲ့ကွယ်ထားလိုက်တယ်
ထီးပိတ်ပြီး ပြေးထွက်သွားချင်မိပေမဲ့
ဝေ့တောင်မကြည့်ဖြစ်ခဲ့ဘူး
ငါ့မသိခြင်းတွေနဲ့ ထုပ်ထားတဲ့ကဗျာတွေကို
မာနနဲ့ရောဖျော်သောက်လိုက်မယ်
နာကျင်သွားမှာကိုသိရဲ့သားနဲ့မြိုချလိုက်မိတယ်
နာကျင်သွားပေမဲ့လည်း မျက်ရည်တွေနဲ့ ပြုံးနေလိုက်မယ်
နေမကောင်းဖြစ်မှာတစ်ခုဘဲ စိုးရိမ်မိတယ်
ထီးတော့ဆောင်းသင့်တာပေါ့
နင်ရူးနေလား
(၄ မေ ၂၀၀၇)

ထွက်သွားပေးပါ

တိတ်တိတ်လေးကျလာတဲ့ မျက်ရည်စတွေကို
ဟန်ဆောင်အပြုံးရဲ့နောက်မှာဝှက်ထားလိုက်မိတယ်
တချို့သော မွန်းကျပ်မှုတွေအတွက်နှစ်သိမ့်စကားတွေလိုချင်မိတယ်
ငါဘယ်သူ့ကိုသွားပြောရမလဲ မေမေ့ကိုလား
တကမ္ဘာလုံးက ငါ့ကို ဟားတိုက်နေကြမလား
နာကျင်နေတဲ့ငါက ပျော့ညံ့တဲ့သူတစ်ယောက်မဖြစ်ချင်ဘူး
အရင်လို နေ့ရက်တွေထဲမှာ
ပေါ့ပေါ့ပါးပါး ရှင်သန်ချင်မိတယ် အရင်လိုပေါ့
မရမက လှုပ်နှိုးထားတဲ့ နှလုံးသားတခုရဲ့ ရှင်သန်မှုကို ဂူပိတ်ပစ်မလို့လား
ဘာလို့များနှိပ်စက်ရတာလဲ
ငါကိုအလဲမထိုးပါနဲ့
ငါ့မျက်ရည်တွေကိုနှမြောမိလို့ပါ
ကျေးဇူးပြုပြီးတော့
နင်ထွက်သွားပေးပါ ကျေးဇူးပြုပြီး
(၁၀ မတ် ၂၀၀၇)

အသုံးမကျခြင်း

နင်သာသစ္စာတရားကိုကိုးကွယ်ခဲ့ရင်
ငါလည်းနင့်ဖက်လူဖြစ်လာမှာပါ
ငါထင်ခဲ့တယ်မပြောင်းလဲတတ်တဲ့သီအိုရီတစ်ပုဒ်လို့
ဝန်ခံပါတယ်ရူးမိုက်မိတယ်လို့
ငါတစ်ယောက်ထဲ
သံစဉ်နဲကတေးသွားပေါင်းပြီးသီချင်းတွေအဖြစ်စိတ်ကူးယဉ်ခဲ့တယ်
အချိန်ဆိုတာကိုခေါင်းထဲမထည့်ဘဲမသေချာတဲ့အနာဂတ်ကိုယုံခဲ့မိတယ်
မှန်းထားတာတွေလွဲမှာကိုအိမ်မက်တောင်မမက်ဖူးတဲ့ငါ့ကို
သင်ခန်းစာတွေပေးလိုက်တာလား
ငါ့အပြစ်ပါအားလုံးကငါ့အမှားပါ
နင့်သစ္စာကိုယုံနေချင်သေးတယ်
ဒါပေမဲ့ငါ့မာနကကန့်ကွတ်နေလေရဲ့
(ဒီဇင်ဘာ ၂၀၀၆)

ငါ ပင်ပန်းနေပြီ

အဆုံးမဲ့ညည်းခြင်းတွေနဲ့စိတ်အတွင်းခန်းထဲမှာ
အထီးကျန်သံစဉ်လေးတစ်ခုကို
သက်ပြင်းရှည်တွေနဲ့တစ်ယောက်ထဲ ညည်းနေမိတယ်
ငါ့စိတ်ပြတင်းပေါက်မှန်တွေကလည်း မိုးရေတွေနဲ့ ဝေဝါးလို့
ဘယ်သူမှမသိတဲ့ ငါ့အတွေးအိမ်လေးကလည်း
မုန်တိုင်းဒါဏ်ကြောင့် ယိုင်နေပြီ
ဆက်ဆောက်ရမှာလား၊ဖြိုပစ်ရမှာလား
လားပေါင်းများစွာက နားစည်ကို ဆက်တိုက်ဝင်တိုးနေကြတယ်
ငါ့ဦးနှောက်ကဆုံးဖြတ်ချက်ကိုငါ့ရင်ဖတ်ကငြင်းဆန်နေတယ်
ငါ့ချိန်တွယ်မှုတွေကဘဲ အိမ်လေးကိုဖြိုပစ်ရစေမဲ့ မုန်တိုင်းတစ်ခုဖြစ်စေခဲ့သလား
ငါမသိခဲ့ဘူး၊
ငါ့စိတ်တွေ ဝေဝါးနေတယ်
အခု ငါ … အရမ်းပင်ပန်းနေပြီ
(ဒီဇင်ဘာ ၂၀၀၆ )

သင်သေသွားသော်

သင်သေသွားသော်
ဆရာဇော်ဂျီရေးတဲ့ကဗျာတစ်ပုဒ်ရဲ့ ခေါင်းစဉ် မဟုတ်ဘူးနော်
သင်သေသွား ရမဲ့အကြောင်းကို တွေးဖူးလား ၊ ဘာကြောင့် ဘယ်လိုများတို့တတွေသေကြမှာလဲပေါ့၊
သင်ဘယ်တော့သေမယ်လို့တွေးမိလဲ နောက်ဆယ်စုနှစ်များစွာလို့တွေးမိကောင့်း တွေးမိမှာပေါ့၊ သင်တွေးတာသေချာရဲ့လား ဒါကိုသင်လည်းမသိတာတော့ သေချာတယ၊် ဘာဘဲပြောပြော သင်အပါအဝင် လူသားတိုင်း တစ်နေ့ သေမှာကတော့ မြေကြီးလက္ခက်မလွဲသေချာတဲ့ ကိစ္စပါဘဲ၊
သင်သေသွားတဲ့အခါကျရင်သင့်အသုဘကိုဘယ်နှစ်ယောက်လာမယ်ဘယ်သူတွေလာမယ်လို့တွေးဖူးလား၊သင်ဒီနေ့သေခဲ့ရင်သင်ဘာတွေနောင်တရနေမလဲ၊ဘာတွေကိုနောက်ဆံတင်းနေမလဲ၊ သေချာတာကတော့ သင့်အသုဘအပြီး နောက်ဆယ်စုနှစ်တွေကြာလာရင် သင့်အမျိုးတွေအပါအဝင် လူသားတွေက သင့်ကိုတဖြည်းဖြည်း မေ့သွားကြတော့မှာကတော့ တကယ့် အသေချာပါဘဲ
တကယ်လို့များ နောက်တစ်ပတ်ပြည့်တဲ့နေ့မှာ သင်သေတော့မယ် ဆိုရင်၊ ကျန်တဲ့ဒီ(၇)ရက်မှာ သင်ဘာလုပ်မယ် စဉ်းစားမိလဲ၊

ကျွန်မကတော့ဒီနေ့သေသွားရင်ဘာမှန်းညာမှန်းမသိသေသွားမှာဆိုတော့ ၊အရင်ဆုံးအဲလိုသေမဲ့ရက်ကို ကြိုသိခွင့်ရတော့ လုပ်သင့်တာလုပ်ဖို့ရတဲ့အတွက် ကျေးဇူးတင်မိမှာဘဲ ၊လုပ်ချင်ရဲ့နဲ့မလုပ်လိုက်ရသေးတဲ့အရာတွေကျန်နေမှာတော့ အသေချာဘဲလေ ၊အရင်ဆုံးတော့ ဆေးရုံပြေးမိလိမ့်မယ်ထင်တယ်၊ခန္ဓာကိုယ်မှာဘယ်လိုပြဿနာရှိနေလို့တစ်ပတ်အတွင်းသေရမှာလဲလို့စစ်ဆေးမယ် ၊ရှောင်လွဲနိုင်တယ် ကုလို့မှီသေးတယ်ဆိုရင် ကောင်းတာပေါ့ ၊ကုမရတော့ဘူး သေချာတယ် သေမယ်ဆိုရင်တော့လည်း တမျိုးစီစဉ်ရမှာပေါ့၊ မျက်ကြည်လွှာသွားမလှူရသေးတော့ကာ မျက်စိဘဏ်ကိုသွားပြီးလှူမယ၊် ခန္ဓာကိုယ်က လှူလို့လက်ခံတာအားလုံးလှူဖို့စာရင်းပေးခဲ့မယ်၊ အဖေက သွေးမလှူရဘူးဆိုတဲ့ ဂတိတောင်းထားပေမဲ့ သွေးလည်း လှူခဲ့လိုက်မယ်၊ဒီခန္ဓာကိုယ်က (၇)ရက်ဘဲရှင်သန်တော့မှာလေ၊ အိမ်အပြန်လမ်းမှာ ကျမချစ်တဲ့သူတွေ အားလုံး အတွက် လက်ဆောင်ကောင်းကောင်း တစ်ခုစီ ဝယ်သွားမယ်၊ ဘယ်သူ့ကိုမှတော့ကျွန်မ(၇)ရက်ပဲနေရတော့မယ်ဆိုတာပြောဖြစ်မှာမဟုတ်ဘူး၊ ပုံမှန်အတိုင်းလှုပ်ရှားနေမှာပါဘဲ၊ ဘုရားပိုရှိခိုးပြီး တရားတော့ပိုထိုင်ဖြစ်လိမ့်မယ်ထင်တယ်၊ နှစ်ရှည်သစ်ပင်တွေအများကြီးဝယ်ပြီးစိုက်မယ်၊ ဘေးနားကတွေ့သမျှလူတွေကိုပျော်ရွှင်အောင်တော့လုပ်ပေးဖြစ်လိမ့်မယ်၊သူငယ်ချင်းတွေအားလုံးတစ်ယောက်မကျန် အဆက်သွယ်လုပ်မယ်၊နောက်ဆုံးတစ်ရက်မှာတော့ကျွန်မအရမ်းချစ်တဲ့ ကောင်လေးတစ်ယောက်ကိုအဝေးကနေသွားကြည့်မယ်၊ သူပျော်သွားအောင် လက်ဆောင်တွေ တိတ်တိတ်လေးသွားပေးမယ်၊ ပြီးရင်အိမ်ပြန်လမ်းမှာ အိမ်က လူတွေကြိုက်တတ်တဲ့မုန့်တွေ ဝယ်သွားမယ်၊ ဖေဖေနဲ့မေမေကို အပြစ်လုပ်မိတာရှိရင်ခွင့်လွတ်ဖို့ ကန်တော့မယ်၊ ကျေးဇူးတင်တယ် ချစ်တယ်လို့လည်းပြောမယ်၊ ၊အမကိုလည်း ဖုန်းနဲ့ဖြစ်ဖြစ် လှမ်းပြီးချစ်တယ်လို့ ပြောမယ် ၊ပြီးသွားရင်တော့ ဘုရားစင်ရှေ့မှာ မျက်လုံးမှိတ်ပြီးတရားထိုင်နေတော့မယ်၊ ဒါလေးပါဘဲ…

သောကဘုံလေးသို့

အောက်ပါအချက်များကိုစိတ်ဆင်းရဲစရာတွေနဲ့ပြည့်နေတဲ့သော >သောကဘုံဘဝလေးကိုလိုချင်ပါကလိုက်နာကျင့်သုံးရန်ုဖြစ်သည်

>အသေးအမွှားကိစ္စများကိုတန်းလန်းတန်းလန်းအဆုံးမသတ်ဘဲထားပါ၊

>သင်ဘယ်လိုမှမပြုပြင်မပြောင်းလဲနိုင်တဲ့ကိစ္စတွေကိုထိုင်တွေးပြီးစိတ်ညစ်ပါ

>သင့်ပတ်ဝန်းကျင်ကလူတွေကိုအမြဲတမ်းအပြစ်မြင်ပါ

>သင်နားကသင့်ကိုချစ်တဲ့သူတွေကိုလည်းအမြဲစိတ်ပျက်စရာလို့တွေးပါ

>သင့်ရဲ့အားနည်းချက်တွေကိုဘဲ တွေးပြီးကောင်းမွန်စွာလုပ်ဆောင်ခဲ့တဲ့သင့်ရဲ့အရည်ချင်းတွေကိုအသိမှတ်မပြုပါနဲ့

>သင့်ထက်အဆင်ပြေနေတဲ့သူ၊ တော်တဲ့သူတစုံတယောက်ကို တွေ့ရင် သင်ရဲ့ညံဖျင်းမှု တွေကို ပြန်တွေးသတိရပြီး စိတ်ဆင်းရဲပါ၊

>သင့်ကိုတခြားလူတွေကြည့်နေသလိုတွေးပြီး တချိန်လုံးပြုမူလှုပ်ရှားပါ

>သင်ချစ်မြတ်နိုးတဲ့သူတွေကို ချစ်တယ် လို့ပြောဖို့ (၁၀)ပတ်ထက်မနည်းအချိန်ယူပါ

>ကလေးတွေကိုမုန်းပါ

>တခြားလူတွေသင့်ကိုဝေဖန်တာတွေကိုနားထောင်မိရင်လည်းနင့်နင့်ကာကာခံစားပြီးစိတ်ဆင်းရဲပါ၊ ဒေါသထွက်ပါ။

>ဟိုအရင်ကသင်လုပ်ခဲ့မိတဲ့အပြစ်တွေကိုလည်းလုံးဝမေ့မပစ်စေဘဲစိတ်ထဲမှာတနုံနုံတွေးပြီးညတိုင်းစိတ်ညစ်ပါ၊

မှတ်ချက်။ ။ ဖတ်ဖူးသော magazine တအုပ်မှဆောင်းပါးကိုတင်ပြခြင်းဖြစ်သည်။

တိတ်တဆိတ်ကွယ်ဖျောက်ခြင်း

လသာတဲ့ကောင်းကင်မှာ ကြယ်လေးတွေတွဲလဲခိုလို့ အိကျလာတဲ့ မိုးသားတွေကိုကြည့်ရင်း
လိမ့်ကျလာတဲ့မျက်ရည်တွေကို ဘာနဲ့ဖုံးထားရမလဲ
ဝှက်ထားပေမဲ့လည်း ဘာလို့များငါ့မျက်လုံးတွေကို ဘာသာပြန်ခဲ့ရတာလဲ
စိတ်ထဲမှာဘယ်နှစ်ကြိမ်မှန်းမသိမြင်ယောင်မိတဲ့အပြုံးလေးကို ဖျောက်ပစ်ချင်မိတယ်
စိတ်ထဲမှာ ဘယ်နှစ်ကြိမ်မှန်းမသိရွတ်ခဲ့မိတဲ့ စကားလေးတစ်ခွန်းကိုလည်း
ငါ့ရင်ထဲမှာဘဲ သော့ခတ်ထားတော့မယ်
ကိုယ်ပိုင်မာနတစ်ခုအတွက်
ကိုယ်တိုင်ဖန်တီးမိခဲ့တာတွေကို
ငါ့စိတ်ရဲ့အတွင်းဆုံးနေရာတစ်ခုမှာ
ငါ့အိမ်မက်တစ်ခုနဲ့အတူ တိတ်တဆိတ် သချို င်္ ပစ်မယ်
အားလုံးသောအရာတွေကိုပေါ့…
(၂၈ ဒီဇင်ဘာ ၂၀၀၈)

Just Friend

Just share our toys and abae,
Sharing our snaks
Playing and studying together
Holding our hands and running together
So happy and so nice
Pass our time together
More stronger and stronger by our days
Now we share our smiles and tears,
Joys and sorrows,
Sharing our dreams
We have warmly shoulders for one another
Holding hands and walking together
Without any jealousy or nasty.
Just painted our heart in white color
Still pure like our childhood and still so warm
And so fresh at anytime
These are seen in our eyes as silence words
We are just friends, but sure
these things will remain till our last breath...
12:30, 17th Aug 2008, Sunday

ငွေလိမ်မခံရစေရန်

ငွေအလိမ်မခံရဖို့ သတိပြုသင့်တဲ့ အချက်လေးတစ်ခုပြောပြချင်လို့ပါ၊ အခုခောတ်မြန်မာနိုင်ငံမှာ နိုင်ငံခြားငွေကြေးနဲ့ မြန်မာငွေကြေးလဲလှယ်မှုများ မြင့်မားလာနေသည်နှင့် အမျှ နိုင်ငံတကာသုံးငွေတွေ တရားမဝင်လဲလှယ်ကြတာက အပြစ်ကြီးတစ်ခုလို့ မတွေးထင်ကြတော့ပါဘူး၊ တစ်ဒေါ်လာကို ခြောက်ကျပ်နဲ့ ဘယ်သူမှ တရားဝင်မလဲလှယ်ကြပါဘူး၊ အရပ်သားအချင်းချင်းလက်တို့စနစ်နဲ့ လဲလှယ်နေကြတာ ဆယ်စုနှစ်ချီနေပါပြီ၊ ဒါကလည်း ခောတ်ရေစီးရဲ့လိုအပ်ချက် ဖြစ်နေလို့ပါ၊ တစ်ဒေါ်လာကို ပေါက်ဈေးဘယ်လောက်ဆိုပြီး ရောင်းသူဝယ်သူအချင်းချင်း ဒေါ်လာပေးကြ မြန်မာငွေပေးကြ နဲ အရောင်းအဝယ်လုပ်ကြရာမှာ မြန်မာငွေကြေးကို လိမ်ကြတာပါ၊ ၊ ကြားဖူးနေတဲ့ တို့ဆေးဘာဆေးကိစ္စတွေနဲ့ လိမ်တာမျိုးကို ဆိုလိုခြင်းမဟုတ်ပါဘူး၊ အခုလိမ်နည်းက ငွေကြေးရေတွက်ပုံကို အသုံးချပြီး ရိုးရိုးလေးနဲ့ကို လိမ်တာပါ၊ အသိ အစ်ကိုကြီး တစ်ယောက်ကိုယ်တိုင်မြို့ထဲမှာ ဒေါ်လာကို မြန်မာငွေနဲ့သွားအလဲမှာ ခံလိုက်ရတာပါ၊ အိမ်ရောက်မှ ရလာတဲ့မြန်မာငွေ တစ်သိန်းတစ်အုပ်စီမှာ ၂၇၀၀၀ကျပ်စီလျော့နေတာပါ၊ အရောင်းအဝယ် လုပ်နေတုန်း ကလည်းရွေလာပါတယ်၊ တစ်ခုတော့ရှိတယ်၊ တဖက်လူက ရဲလာတော့မယ် မြန်မြန်လုပ်ပါ လို့ ခဏခဏ ပြောနေတဲ့ကြားက အလောတကြီးရွေလာရတာပါ၊ စာဖတ်သူက မဖြစ်နိုင်ဘူးလို့ထင်ပါလိမ့်မယ်၊ဒါပေမဲ့ ခံရတဲ့သူက တကယ်ခံလာရတာပါ၊ အရောင်းအဝယ်ကိစ္စတွေမှာ တကယ်သတိထားစရာကိစ္စပါ၊

မြန်မာပြည်မှာ ငွေတစ်သိန်းအုပ်စီရင် နှစ်မျိုးစည်းနိုင်ပါတယ်(တစ်ထောင်တန်ဖြင့်အလိမ်ခံခဲ့ရပါသဖြင့်တစ်ထောင်တန်ကိစ္စသာပြောပါမည်)ထောင်တန် အရွက်တစ်ရာကို တစ်အုပ်လုပ်စည်းကြသလို ၊ထောင်တန်ဆယ်ရွက်ပါ သောင်းအုပ် ဆယ်အုပ် လုပ်ပြီးလည်းစည်းတတ်ကြပါတယ်၊အခုလိမ်နည်းက အရွက်တစ်ရာထပ်စည်းထားတဲ့တစ်သိန်းအုပ်မှာ လိမ်လို့မရပါဘူး၊ သောင်းအုပ်ဆယ်အုပ်လုပ်ထားတဲ့တစ်သိန်းအုပ်မှာလိမ်တာပါ၊ အကြမ်းဖျင်းအားဖြင့် သောင်းအုပ်ဆယ်အုပ်ပါတဲ့ တစ်သိန်းအုပ်ကို ရေတွက်ရင် သရေပင်အစည်း မဖြေဘဲအရင်ဆုံး သောင်းအုပ်ဆယ်အုပ်ပြည့်လားအရင် ရွေတယ်၊ ပြီးမှ အတွင်းက ထောင်တန်လေးတွေကိုရွေမယ်၊ တစ်ရွက် နှစ်ရွက် သုံး လေး……. ရှစ်ရွက် ကိုးရွက်ပြီးရင် တစ်အုပ်၊ နောက်ထပ်ကိုးရွက်ပြီးရင်တစ်အုပ်၊ ဒါမျိုးရွေတွက်ကြတာပါ၊ကိုးရွက်နဲ့ ဆုံးရင်ပြီးတာဘဲ၊ ပြည့်တယ်ပေါ့၊ ကိုးရွက်ဘယ်နှစ်ကြိမ်ပါသွားလဲလို့တော့ မှတ်မထားတတ်ကြပါဘူး၊ အဲ့ဒီအားနည်းချက်ကြောင့် အလိမ်ခံရတာပါ၊ (စာရေးသူကိုယ်တိုင်လည်း အရင်က အဲလိုမျိုးဘဲရေတွက်ပေမဲ့ ခုတော့ပြင်လိုက်ပါပြီ) အဲလိုမျိုးရေတွက်ရင်တော့ (၂၇၀၀၀)လျော့နေတဲ့ လိမ်ထားတဲ့ တစ်သိန်းအုပ်က သောင်းအုပ်ဆယ်အုပ်ပါမယ်၊ ပြီးရင်ကိုးရွက်ကိုးရွက် ကွက်တိဘဲဖြစ်နေမှာပါ၊ဘာလို့လဲဆိုတော့ မြန်မာငွေတစ်ထောင်တန် ၇၃ရွက်(73000/ks)ထဲ နဲ့တစ်သိန်းအုပ်ပုံစံရအောင် စီထားလို့ပါ၊ အပေါ်က ငွေရွေနည်းအတိုင်းမရွေဘဲနဲ့၊ သောင်းအုပ်ဆယ်အုပ်ပြည့်မပြည့်စစ်ပြီးရင် ထောင်တန် အရွက်ကိုးဆယ်ပြည့်မပြည့်ရွေရင်တော့ အလိမ်ပေါ်မှာပါ၊ ထောင်တန်က အရွက်ကိုးဆယ်မဟုတ်ဘဲ ခြောက်ဆယ့်သုံးရွက်ဘဲရှိနေလို့ပါ၊ ကိုးရွက် (၇)ခါဘဲပါပါတယ်၊ စာဖတ်သူခေါင်းရှုပ်သွားမယ်ထင်ပါတယ်၊ အောက်ကငွေစီနည်းလေးဖတ်လိုက်ရင် ရှင်းသွားပါလိမ့်မယ်။ ကိုယ်တိုင် လုပ်ကြည့်လိုက်ရင် ပိုမြင်သာသွားမှာပါ၊ စာရေးသူလည်း ထောင်တန် (၇၃)ရွက်နဲ့ တော်တော်လေး အချိန်ပေး အလုပ်ရှုပ်လိုက်လို့ ထွက်လာတဲ့ နည်းလေးပါ
လိမ်နည်းသိနေ၍ အလိမ်မခံရစေရန်အတွက် ရည်ရွယ်ပါသည်၊ လိမ်နည်းရေးထားသည်ဟု မမှတ်စေလိုပါ၊


တစ်ထောင်တန်၇၃ရွက်ဖြင့်တစ်သိန်းအုပ်ပုံစံရရန်
>>အရင်ဆုံး အရွက်၄၀ ယူပြီး တစ်သောင်းအုပ်လေးအုပ်လုပ်ပါ၊(ဒါကတော့ ပုံမှန်ငွေစီသလိုမျိုးပါ)ဒီလေးအုပ်ကို သပ်သပ်ပုံထားပါ
ဒါဆို(၇၃)ရွက်ထဲက (၃၃)ရွက်ကျန်ပါမယ်၊

>>ပြီးရင် ငါးရွက်ကိုထပ်ပြီး တစ်ရွက်နဲ့အုပ်ပါ၊ ခြောက်ထောင်အုပ်လို့ သုံးပါမယ်၊ ခြောက်ထောင်အုပ် သုံးအုပ်လုပ်ပါ၊ စောစောက သောင်းအုပ်နဲ့ မရောဘဲ သပ်သပ်ပုံထားပါ(မဟုတ်တာ စလုပ်နေပါပြီ)
(၇၃)ရွက်ထဲက ( ၁၅) ရွက် ဘဲကျန်နေပါမယ်

>>နောက်တစ်ဆင့်က လေးရွက်ကိုထပ်ပြီး တစ်ရွက်နဲ့အုပ်ပါ၊ ငါးထောင်အုပ်လို့သုံးပါမယ်၊ ငါးထောင်အုပ်လည်း သုံးအုပ်လုပ်ပါ၊စောစောက အုပ်တွေနဲ့ မရောဘဲ သပ်သပ်ပုံထားပါ၊
ဒီအဆင့်ပြီးသွားရင်တော့ (၇၃)ရွက်ကုန်ပါပြီ၊ သင့်ဆီမှာ လဲ ငွေအုပ်ပုံ သုံးပုံရနေမှာပါ ( တစ်သောင်းအုပ်ပုံ၊ ခြောက်ထောင်အုပ်ပုံ၊ ငါးထောင်အုပ်ပုံ)

>>နောက်ဆုံးလုပ်ရမှာက အောက်က အစီစဉ်အတိုင်း တစ်အုပ်ပြီးတစ်အုပ်ထပ်စီဖို့ပါ၊ အစီစဉ်မလွဲဖို့ လိုပါမယ်၊
အရင်ဆုံး တစ်သောင်းအုပ်နှစ်အုပ်၊
ပြီးရင် ခြောက်ထောင်အုပ်တစ်အုပ်၊ ပြီးရင် ငါးထောင်အုပ်တစ်အုပ် (ရွေတွက်တဲ့အခါ အပေါ်အုပ်နှစ်ရွက်မပါဘဲ၊ နှစ်အုပ်ပေါင်းကိုးရွက်ဖြစ်နေရန်ဖြစ်သည်)
ပြီးရင်ခြောက်ထောင်အုပ်တစ်အုပ်၊ ပြီးရင် ငါးထောင်အုပ်တစ်အုပ်
ပြီးရင်ခြောက်ထောင်အုပ်တစ်အုပ်၊ ပြီးရင် ငါးထောင်အုပ်တစ်အုပ်
ပြီးရင် တစ်သောင်းအုပ်နှစ်အုပ် ၊
ပြီးရင်တော့ သရေပင်နဲ့ သိန်းအုပ်အုပ်သလိုပတ်ချီပစ်လိုက်၊ ပြီးရင် ရွေကြည့်လိုက်ပါ၊ အပေါ်ကအတိုင်း အစီစဉ်မလွဲခဲ့ဘူး ဆိုရင်တော့ သင့် ရဲ့ ၇၃ရွက်နဲ့သိန်းအုပ်က ၊ဆယ်အုပ်ပြည့်ပြီး၊ကိုးရွက်ကိုးရွက် အတိဖြစ်နေပါလိမ့်မယ်၊

လိမ်လည်သူသည် အထက်ပါနည်းကိုသုံးထားသလို ငွေရွေတွက်ချိန်မှာလည်း စိတ်စော၊ စိတ်လောစေရန် ဘေးမှလုံ့ဆော်၍ ၎င်းတို့လိမ်လည်မှု အထမြောက်ရန် လုပ်ဆောင်ပါလိမ့်မယ်၊
ဤနည်းကိုဒေါ်လာဝယ်ရောင်းကိစ္စများတွင်သာမက အခြားသောနေရာများတွင်လည်း သုံးနိုင်ကြောင်း ကို ဂရုပြုသင့်ပါသည်။

မည်သို့ပင်ဖြစ်စေ၊ ငွေကို ကိုးရွက်ကိုးရွက်ဟု မရွေတွက်လျှင်၎င်း၊ (၂၇)ရွက် တောင်လျော့နေတဲ့တစ်သိန်းအုပ်ဟာ သာမန်ထက် ထုအားဖြင့်ပါးနေကြောင်း သတိထားလျှင်၎င်း ငွေကြေးအလိမ်ခံရခြင်းမှကင်းဝေးနိုင်မည်သာဖြစ်ပါသည်…

လိမ်ညာခံရခြင်းမှကင်းဝေးနိုင်စေရန်ရည်ရွယ်၍

သူငယ်ချင်းများအတွက်

သူငယ်ချင်းတို့ရေ
ငါတို့အသက်တွေကြီးလာပြီနော်
ဦးနှောက်ထဲနားလည်တာတွေရော မလည်တာတွေပါ ရိုက်ထည့်ရင်းနဲ့
ငါတို့အတွက် ဆိုင်းထိုးထားတဲ့စာရွက်လေးတစ်ရွက်ရခဲ့တယ်
အထိုက်အလျောက်ရလာတဲ့ ရင့်ကျက်မှုတွေအတွက်
စာရွက်နောက်ကွယ်အချိန်က
မင်းတို့နဲ့ကျောင်းတော်ကြီးကိုကျေးဇူးတင်မိတယ်
မင်းတို့ဘေးမှာရပ်နေရင်း
အမှတ်တမဲ့ရပ်နေခဲ့တဲ့ကာလတွေမှာ
ရင့်ကျက်တန်းမ၀င်သေးတဲ့ ငါ့စကားတွေကို
ဂရုတစိုက်နားထောင်ပေးကြတဲ့အတွက်
ငါ့လက်တွေကို တွဲချိတ်ထားတဲ့အတွက်
အပြုံးနဲ့မျက်ရည်တွေဝေမျှရင်း
အပြိုင်အဆိုင်နဲ့မာနတရားကင်းတဲ့
အဖြူထည်သံယောဇဉ်တစ်ခုကိုပိုင်ဆိုင်ခွင့်ပေးတဲ့အတွက်
ကျေးဇူတင်တယ်ကွာ
ငါ့အသက်ရှူသံရပ်တဲ့အထိ သတိရနေမဲ့သူငယ်ချင်းရေ
ငါယုံကြည်တယ်
ဘယ်သူကမှ
ငါတို့ရဲ့သံယောဇဉ်ကိုအရောင်မဆိုးဘူးဆိုတာကို

လူသားတို့၏ပျော်ရွှင်ခြင်းများ

အမေရိကန် Stanford University ရဲ့ ဆေးဝါးသုတေသနဌာနက မစ္စတာ Philip Marter ဟာ လွန်ခဲ့တဲ့နှစ်ဝက်က ဖိုရမ်တစ်ခုမှာ ပို့စ်တစ်ခုကို တင်ခဲ့တယ်၊ ပို့စ်ရဲ့ အကြောင်းရင်းက ကမ္ဘာပေါ်မှာရှိသမျှလူဦးရေကို ၁၀၀ယောက်လို့ သတ်မှတ်ပြီး အဲဒီအရေအတွက်နဲ့ လူတွေကို အချိုးချကြည့်တာဘဲ ဖြစ်ပါတယ်။

၁) အာရှလူမျိုး၅၉ ယောက် ၊ဥရောပလူမျိုး ၂၁ယောက်၊ အမေရိကားလူမျိုး ၁၄ ယောက်၊ အာဖရိကလူမျိုး ၈ ယောက်
၂)ယောကျာ်းလေး၅၂ယောက် မိန်းကလေး ၄၈ ယောက်
၃)လူဖြူအယောက် ၃၀၊ တစ်ခြားအရောင် ၇၀ ယောက်
၎)ခရစ်ယာန် ကိုးကွယ်သူ အယောက် ၃၀၊ တစ်ခြားဘာသာကိုးကွယ်သူ ၇၀ ယောက်
၅)လိင်ကွဲချစ်ကြိုက်သူ ၈၆ ယောက်၊ လိင်တူချစ်ကြိုက်သူ (၁၁) ယောက်
၆)၅၉%ရှိတဲ့ ပစ္စည်းဥစ္စာပိုင်ဆိုင်သူ၆ယောက်၊ အဲဒီ ၆ ယောက်လုံးက အမေရိကားသားတွေဖြစ်တယ်၊
၇)ထင်သလိုဖြစ်မလာတဲ့ အိမ်ထောင်ရေးအယောက် ၈၀
၈)စာမတတ်သူ ၇၀ ယောက်
၉)အာဟာရ မပြည့်သူ ၅၀ ယောက်
၁၀)သေခါနီးဆဲဆဲ ၁ ယောက်၊ မွေးဖွားနီးဆဲဆဲ ၁ ယောက်
၁၁)ဘွဲ့ရသူ ၁ ယောက်
၁၂)ကွန်ပြူတာ ပိုင်ဆိုင်သူ ၁ယောက်

ချုံလိုက်တဲ့ လူဦးရေ ရှုထောင့်ကနေ ကမ္ဘာကြီးကိုကြည့်မယ်ဆိုရင် ဒီကမ္ဘာကြီးမှာ နားလည်လက်ခံခြင်း၊ ခွင့်လွှတ်ခြင်းနဲ့ သင်ကြားမှုတွေ လိုကြောင်းကို ကျတော်တို့ ရှင်းရှင်းလင်းလင်းတွေ့နိုင်ပါတယ်။ ပိုပြီး ရှင်းလင်းစွာ တွေ့နိုင်တာက….
အကယ်၍ သင်ဟာ မနက်စောစောမှာ ကျန်းကျန်မာမာနဲ့ ထလာနိုင်သေးတယ်ဆိုရင် သင့်အစား ဝမ်းသာပါတယ်။ လူဦးရေ ၁၀သိန်းဟာ တစ်ပတ်တောင် အသက်မရှင်နိုင်ခဲ့လို့ပါပဲ။
အကယ်၍ သင်ဟာ စစ်ပွဲအန္တရာယ်တွေ မကြုံဖူးသေးဘူး ထောင်ရဲ့ အထီးကျန်တဲ့အရသာ၊ နိုင်လိုညှင်းဆဲ နာကျင်မှု၊ ဆာလောင်မှုတွေကို မခံစားခဲ့ဖူးဘူးဆိုရင် သင့်အစား ဝမ်းသာပါတယ်၊ လူဦးရေ သန်း၅၀၀ ထက် သင်ဟာ ကံကောင်းတဲ့သူ ဖြစ်ခဲ့လို့ပါပဲ၊
အကယ်၍ သင်ဟာ ဘာသာရေးပွဲတော်တွေမှာ အနှောင့်အယှက်ခံဖို့ စိတ်မပူခဲ့ဘူး၊ အဖမ်းခံ မထိခဲ့ဘူး၊ မသေခဲ့ဘူး ဆိုရင် သင့်အစား ဝမ်းသာပါတယ်၊ လူဦးရေ သန်း၃၀၀၀ထက် သင်ဟာ လွတ်လပ်ခွင့်ရနေလို့ပါပဲ။
အကယ်၍ သင့်ရေခဲသေတ္တာထဲမှာ စားစရာတွေရှိတယ်၊ ဝတ်ဖို့ အဝတ်အစားတွေရှိတယ်၊ နေစရာ အိမ်ရှိတယ်ဆိုရင် သင့်အစား ဝမ်းသာပါတယ်၊ သင်ဟာ ကမ္ဘာလူဦးရေ ၈% ထဲ လူချမ်းသာ စာရင်းဝင်နေလို့ပါပဲ။
အကယ်၍ သင့်မိဘတွေ သက်ရှိထင်ရှားရှိသေးတယ်၊ သင်ဟာ မိဘစုံလင်နဲ့နေထိုင်သူဖြစ်တယ် ဆိုရင် သင်ဟာ ကံကောင်းသူပါ။
အခုဒီစာကို သင်ဖတ်နေတယ်ဆိုရင် သင်ဟာ ကံကောင်းသူနှစ်ထပ်ကွင်းပါ။ လူဦးရေ သန်း ၂၀၀၀ ဟာ စာမဖတ်တတ်လို့ပါပဲ။

အလုပ်အတွက် စိုးရိမ်ကြောင့်ကြနေစရာ မလိုဘူး။ ငွေကြေးမပြည့်စုံမှာ စိုးရိမ်သောက ဖြစ်နေစရာ မလိုဘူး။ ထိခိုက်နာကျင်ခဲ့ဖူးပါစေ လူတွေကို အကြင်နာတွေ ဖြန့်ပါ။ စိတ်ကို ပျော်ရွှင်အောင် ထားပါ။ ဘယ်သူဘာပြောပြော ငြိမ်းချမ်းတဲ့ သံစဉ်ကို ဟစ်အော်ပြီး လူ့ဘုံမှာ ပျော်ပျော်ရွှင်ရွှင် နေလိုက်ကြပါ။

forward mail တစောင်မှ ကူးယူဖော်ပြပါသည်။