ရင်ဖတ်တစ်ခုလုံး ခဲဆွဲခံနေရသလို
ဟိုအရင် အရိပ်တွေက ဟိုနားပေါ်လိုက် ဒီနားပေါ်လိုက်နဲ့
ကျောက်ခဲကို ရေထဲပစ်ချပြီးမှ ပြန်ပေါ်လာပါစေ ဆုတောင်းနေမိသလို
တစ်နေ့တာ အဓိပ္ပါယ်မဲ့နေတယ်
ဝဲနေတဲ့ မျက်ရည်တွေ မြိုချရတာ ဗိုက်တင်းနေပြီ
ချော့ကလက်ကစားရတာ ချိုပေမဲ့ဆေးသကြားက ဘာလို့ခါးရတာလဲ
ဒဏ္ဍာရီဆန်ဆန် စိတ်ကူးယဉ်လို့ကောင်းတဲ့ကြယ်လေးတွေက တကယ်ခူးလို့မရသလို
လရောင်ဆန်းတဲ့ ပေါင်မုန့်ကလည်း ဘယ်ချိုပါ့မလဲ
လေထဲတိုက်အိမ်ဆောက်ရတာကတော့ ပျော်ဖို့ကောင်းပါရဲ့
တိတ်တိတ်လေးငိုတတ်တဲ့ ပိုးစုန်းကြူးတစ်ကောင် အကြောင်းကို
ကြယ်တွေလတွေက မသိနိုင်သလို
ဘယ်သူမှလည်း မသိနိုင်ပါဘူး
(၇ ဇူလိုင် ၂၀၀၇)
No comments:
Post a Comment